الأغنية دي بتمس مشاعر المصريين يشكل كبير دلوقتي, فأول أما شيرين تطلع وتقول ما شربتش من نيلها الناس تقول لأ هنشرب من البحر. لكن يا جماعة أنا أحب أطمن شعب مصر العطشان (كان جعان قبل كده بس بصراحة العطش أهم) اللي مش لاقي يشرب من نيلها هيشرب بفضل الحكومة الذكية من نيلتها.
الخبر الحلو ده نشره موقع مصراوي:
الامن يهدد باعتقال المتظاهرين ضد العطش والبرلمان يطلب تعويضهم ماديا
طيب نعتقل الأخوان وماله أعداء النظام الطبيعيين ومن حقه إنه يحاربهم بالصورة اللي تتناسب مع مبادئه. نعتقل المعارضه برضه وماله أهي ناس دوشجية وبتحب تعمل مظاهرات على الفاضية والمليانة وأهو حتى الزحمة تخف من البلد شوية. نعتقل المدونين, ممكن, وأهو نخف على النت وعلى السيرفرات شوية وخلي اللي بيعمل دونلود لأفلام يعمل دونلود براحته. لكن ناس بتتظاهر علشان مش لاقية تشرب (سيبك من الطبيخ والحموم) طب ليه؟ هو لا يبقى حموم ولا مظاهرات؟ ده حتى يبقى كتير.
وقال مين المسئول بتاع إيه طالب احصائيات علشان يضمها للخطة اللي هتتنفذ خلال أربع سنين. طيب ولحد أما الخطة تتنفذ؟ هيوصلوا المية عن طريق فناطيس (جمع فنطاس) والواحد يقعد يستنى لما الفنطاس ييجي علشان ياخد حصته من المية. وبعدين ولضمان توزيع المياة توزيع عادل هيصرفوا المية على بطايق التموين.
ومحافظ مش عارف مين فين بيقول انه عند أقل نسبة تضرر, كام يخويا؟ قال ايه 3 آلاف واحد بس. والله؟ دول حتى مايستهلوش نبعتلهم فناطيس.
والبطرمان المبجل بيقترح تعويض مادي. حد فيكوا كان بيقرأ ميكي؟ أصل الناس هتستحمى بالفلوس زي عم دهب. بس المشكلة ان الجنيه المصري ما بينضفش ده هيخلي الناس تجرب.
طبعاً أنا مسكتش ورحت جري لعمي شقلوب الحكيم لأستشيرة في المشكلة دي وايه رأيه, فدار هذا الحوار بيني وبينه:
أنا: أيها الحكيم شقلوب, يا من تقذف الناس بالطوب. أخبرني بالله عليك ماذا تفعل لو وقعت في نفس المشكلة؟
شقلوب: من وجهة نظر الناس أم الحكومة؟
أنا: من وجهة نظر الناس بالطبع
شقلوب: أما عن الشرب فقد أراحهم الله من مشاكل المياة, وما بها من كلور وما يعيش بها من ميكروب. ولا تسألني عن مشكلة الطبيخ, فإنه يسبب للمعدة تلبيخ. ولاكن المشكلة الحقيقية في الاستحمام.
أنا (مقاطعاً): فلتدع الاستحمام لأهل الاستحمام ولا تفكر في نظافة المياة أو راحة الأمعاء فالشعب عندنا أكول ولا يؤثر فيه ميكروب أو كلور
شقلوب: إذن أنا عندي الحل
أنا: قول
شقلوب: فليتوقف الناس عن المظاهرات, وليأخذوا التعويضات, ويستخدموا المياة القادمة في الفناطيس في الشرب والأكل إن أمكن, والشرب فقط إذا لم يمكن. حتى تقوم الحكومة الذكية بحل هذة الرزية
أنا: ولكن إذا توقف الناس عن الوقفات التظاهرية فقد تظن أن المشكلة قد حلت بالجهود الذاتية
شقلوب: أوهذا شيء يفوتني يا أحمق؟ بعد فترة من عدم الاستحمام سيثور باقي الشعب من أجل هؤلاء القوم.
أنا: لماذا أيها الحكيم؟ وأعذرني لأني غشيم
شقلوب: بسبب الرائحة التي ستنتج من عدم الاستحمام, ان لم يكن اليوم فسيحدث بعد أيام
وسكت شقلوب عن الكلام, وأخذ يولول ويبكي, بعد انقطاع الماء عنه وهو في الحمام
الخبر الحلو ده نشره موقع مصراوي:
الامن يهدد باعتقال المتظاهرين ضد العطش والبرلمان يطلب تعويضهم ماديا
طيب نعتقل الأخوان وماله أعداء النظام الطبيعيين ومن حقه إنه يحاربهم بالصورة اللي تتناسب مع مبادئه. نعتقل المعارضه برضه وماله أهي ناس دوشجية وبتحب تعمل مظاهرات على الفاضية والمليانة وأهو حتى الزحمة تخف من البلد شوية. نعتقل المدونين, ممكن, وأهو نخف على النت وعلى السيرفرات شوية وخلي اللي بيعمل دونلود لأفلام يعمل دونلود براحته. لكن ناس بتتظاهر علشان مش لاقية تشرب (سيبك من الطبيخ والحموم) طب ليه؟ هو لا يبقى حموم ولا مظاهرات؟ ده حتى يبقى كتير.
وقال مين المسئول بتاع إيه طالب احصائيات علشان يضمها للخطة اللي هتتنفذ خلال أربع سنين. طيب ولحد أما الخطة تتنفذ؟ هيوصلوا المية عن طريق فناطيس (جمع فنطاس) والواحد يقعد يستنى لما الفنطاس ييجي علشان ياخد حصته من المية. وبعدين ولضمان توزيع المياة توزيع عادل هيصرفوا المية على بطايق التموين.
ومحافظ مش عارف مين فين بيقول انه عند أقل نسبة تضرر, كام يخويا؟ قال ايه 3 آلاف واحد بس. والله؟ دول حتى مايستهلوش نبعتلهم فناطيس.
والبطرمان المبجل بيقترح تعويض مادي. حد فيكوا كان بيقرأ ميكي؟ أصل الناس هتستحمى بالفلوس زي عم دهب. بس المشكلة ان الجنيه المصري ما بينضفش ده هيخلي الناس تجرب.
طبعاً أنا مسكتش ورحت جري لعمي شقلوب الحكيم لأستشيرة في المشكلة دي وايه رأيه, فدار هذا الحوار بيني وبينه:
أنا: أيها الحكيم شقلوب, يا من تقذف الناس بالطوب. أخبرني بالله عليك ماذا تفعل لو وقعت في نفس المشكلة؟
شقلوب: من وجهة نظر الناس أم الحكومة؟
أنا: من وجهة نظر الناس بالطبع
شقلوب: أما عن الشرب فقد أراحهم الله من مشاكل المياة, وما بها من كلور وما يعيش بها من ميكروب. ولا تسألني عن مشكلة الطبيخ, فإنه يسبب للمعدة تلبيخ. ولاكن المشكلة الحقيقية في الاستحمام.
أنا (مقاطعاً): فلتدع الاستحمام لأهل الاستحمام ولا تفكر في نظافة المياة أو راحة الأمعاء فالشعب عندنا أكول ولا يؤثر فيه ميكروب أو كلور
شقلوب: إذن أنا عندي الحل
أنا: قول
شقلوب: فليتوقف الناس عن المظاهرات, وليأخذوا التعويضات, ويستخدموا المياة القادمة في الفناطيس في الشرب والأكل إن أمكن, والشرب فقط إذا لم يمكن. حتى تقوم الحكومة الذكية بحل هذة الرزية
أنا: ولكن إذا توقف الناس عن الوقفات التظاهرية فقد تظن أن المشكلة قد حلت بالجهود الذاتية
شقلوب: أوهذا شيء يفوتني يا أحمق؟ بعد فترة من عدم الاستحمام سيثور باقي الشعب من أجل هؤلاء القوم.
أنا: لماذا أيها الحكيم؟ وأعذرني لأني غشيم
شقلوب: بسبب الرائحة التي ستنتج من عدم الاستحمام, ان لم يكن اليوم فسيحدث بعد أيام
وسكت شقلوب عن الكلام, وأخذ يولول ويبكي, بعد انقطاع الماء عنه وهو في الحمام
5 comments:
حتى شقلوب لم يسلم من المكتوب
والعطش صار علينا مكتوبا ياولدي
انا اللى فارسني الطريقة الامنية البحتة اللى بيتعاملوا بيها مع المواطنين وشعورهم الدائم بالتحريض من جهات خفية
طيب وليه ماتكونش الناس زهقت اصلا من طول الصبر
ولو انهم صبروا كتير جدا بشكل ممل
بس كويس قوي ان عندك شقلوب بتستشيره في الاحلام
لو الحكومة عرفت ح تستلفه منك ههههههههه
او تعتقله لو رفض يروح اعارة عندهم
هههههههههههههههههههه
Bella
عامله ايه وايه أخبارك؟
متخافيش على شقلوب. شقلوب يقدر ينصح الشعب والحكومة.
شقلوب دايماً في الخدمة وممكن أي حد يستشيرة في أي موضوع. طبعاً عن طريقي
منورة البلوج
انا بخير يااخي العزيز
المهم شقلوب طالما طلعت عنده القدرات دي كلها ويقدر ينصح الشعب والحكومة اصبح فيه الطمع ويتخاف عليه
يعني اكيد الحكومة ح تساومك عليه
انا نبهتك وانت حر
ههههههههههههه
ازيك ياشقلوب وازى الحكيم شقلوب الكبير
مشكلة المياة وانقطاعها سببت مشاكل لا حصر لها والله البلد ديه عاوزة ثورة بجد
كل حاجة بقيت مستحيلة
والناس اللى عايشة مش عايشة اصلا
ربنا مع الناس ومعانا
ربنا هو المنتقم
سلام ياشقلوب
وربنا معاك يابنى
عاشقة الوطن
منورة البلوج
ابنك؟ ماشي يا ماما, مش عارف حاسس بحاجة غريبة في الكومنت بتاعك.
انتي كويسة؟
يا ريت تطمنيني لو ينفع
Post a Comment