أول تعليق يجيلك يستحق أكتر من إنك ترد عليه
يستحق أكتر من إنك تبعت هدية للي كتبة
أو حتى إنك تعملة موقع علشانة
إحساس جديد أول مرة أعرفه
إن حد متعرفوش ومتربطوش بيك أي صلة
غير إنه شاف كلامك وعجبه
هو صحيح الموضوع معايا مختلف
واللي زارت البلوج زارته مجامله
رغم إنها برضه متعرفنيش
وتعليقها كان جميل وبيقول على اللي أنا كاتبه كلام حلو
ماهي مجاملة بقى
بس برضه دي مش مشكلة
ده ميمنعش إني حاسس بالسعادة
يا عم ده كفاية إن في في الدنيا حد
ممكن يجاملك
وهو ميعرفش انت مين
ومش مستني منك حاجة
أنا سعيد جداً بزيارة عاشقة الوطن للبلوج
ويارب ألاقي حد تاني يدخل على البلوج يقرأ اللي أنا بكتبه
ويعلق عليه
يمدح أو يزم مش مشكلة
المهم إنه يعلق
بس أنا حالياً سعيد
وشكراً للي خلتني أحس بالسعادة دي
منغير متعرفني
4 comments:
جميل جدا وجديد ان الواحد يعمل مدااخلة مخصوص لاول تعليق يجيله
انا جيت ارد عندك مش مجاملة
بس لان عجبني طريقة ردودك في المدونة عندي
فجيبت اشوف كاتب ايه عندك
عن نفسي باعمل كده دايما لاارد للمجاملة
ارد اذا كان الموضوع يستحق الرد او بمعنى اصح اذا كان كلامي مفيد وسيفتح زاوية جديدة في النقاش
مدونتك حلوة وشكلي ح اجي كتير هنا
تحياتي
شكراً جداً يا بيلا (هو أنا كاتب اسمك صح) بجد أنا سعيد جداً ويارب أقدر أقول حاجة جديدة أو مفيدة أو على أقل تقدير مسلية. سعيد بالزيارة ويارب تتكرر كتير
شقلوب
ازيك ايه اخبارك
بجد انا مش عارفة أشكرك قد ايه على البوست ده والكلام الجميل اوى ده اللى انا مستحقوش
يابنى انا مش بجاملك فى اى حاجة
انا بجد عاجبنى كلامك وموضوعك
وبجد بجد شكرا جزيلا لك
عاشقة الوطن
شقلوب بخير طول أما فيه حد بيقراله وبيعلق على كلامه. تحياتي ليكي
ومحدش بيشكر حد علشان عبر عن حاجة هو حاسسها
Post a Comment