الشوارع حواديت
حوداية الحب فيها وحوداية عفاريت
حوداية الحب فيها وحوداية عفاريت
إسمعى يا حلوة لما أضحكك
الشارع ده كانوا ساكنين فيه زمان
كانوا أربعة عايشين جيران
مسلم مسيحي ما بعرف أنا
كله في حاله
وكانوا عايشين في سلام
الشوارع حواديت
حوداية الحب فيها وحوداية عفاريت
إسمعى يا حلوة لما أضحكك
في الشارع دخل عليهم غريب
ظلم ودمر
ما في حد قاله عيب
ولما شاف كل واحد الظلم واقع عليه
قال هو جاري اللي مني انتقم
الشوارع حواديت
إسمعى يا حلوة لما أضحكك
في الشارع دخل عليهم غريب
ظلم ودمر
ما في حد قاله عيب
ولما شاف كل واحد الظلم واقع عليه
قال هو جاري اللي مني انتقم
الشوارع حواديت
حوداية الحب فيها وحوداية عفاريت
إسمعى يا حلوة لما أضحكك
في الشارع كانوا عايشين في سلام
لما جه الظلم عاشوا في الغمام
ضباب بيمشي ييجي من بعده الضباب
وكله ماسك في بعضه
ويقوله انت السبب
انت مش من ديني يبقى انت العدو
ووقف الظلام يتفرج ويقول تمام
الشوارع حواديت
إسمعى يا حلوة لما أضحكك
في الشارع كانوا عايشين في سلام
لما جه الظلم عاشوا في الغمام
ضباب بيمشي ييجي من بعده الضباب
وكله ماسك في بعضه
ويقوله انت السبب
انت مش من ديني يبقى انت العدو
ووقف الظلام يتفرج ويقول تمام
الشوارع حواديت
حوداية الحب فيها وحوداية عفاريت
إسمعى يا حلوة بس هتحزني
إسمعى يا حلوة بس هتحزني
13 comments:
بما اني اصبحت متشقلب معاك
..احب اقولك ان
القصيده دي حلوه
ومعبره اوي
فعلا الحال اتبدل عالاخر
يااااااه يا شقلوب بجد تحفه تحفه
بسيطه بس في الصميم و عميقه قوي قوي قوي
تسلم ايدك
في انتظار المزيد
:)
العربي
أهلك بيك في نادي المتشقلبين
وأنا سعيد جداً لأن القصيدة عجبتك
أهلاً بيك والبيت بيتك :)
Rosa
أولاً نورتيني
ثانياً بصراحة مش لاقي كلام أرد بيه على مجاملتك الرقيقة دي
أخجلتم تواضعنا
جميلة
جاهين موحى دايما
حلم
تعليق صغير صحيح بس أسعدني
شكراً
ومنوراني
السلام عليكم
ازيك ياشقلوب
ايه الاخبار
الله عليك وعلى عمك جاهين
بجد جميل جداا
وياريت نرجع تانى حبايب
المسلم والمسيحى
من غير مانحزن ونفضل فى فرح على طول
تحياتى لاختيارك الجميل ياشقلوب
انا بعشق الراجل ده فعلا
صلاح جاهين
بوست جميل
عاشقة الوطن
الحمد لله انها عجبتك أنا كنت خايف من رأيك أوي.
يا رب يا ختي يا رب
منوراني
شاه
كيف حالك يا شهرام باشا
ومين اللي ما بيحبش الراجل ده, الراجل ده كلمة عبقري اتعملتله مخصوص.
منور
حلوه ياشقلوب
أحب انا الوحده الوطنيه D:
تحياتي
السلام عليكم
ازيك ياشقلوب
انت فين يابنى مختفي فين
يارب تكون بخير
انت اتاخرت اوووى
احنا مستيين مواضيع جديدة
وطمأنا ليك ويارب تكون بخير
انا قلت هأجى الاقي المدونة بقي فيها موضوعين تلاتة عشان تعوض الغيبة الفترة اللى فاتت
اجى الاقيك لسه مكتبتش حاجة
يالا ياشقلوب بلاش كسل واكتب
مستنيين بوست جديد ان شاء الله فى اقرب وقت
يالا سلااام
Post a Comment