بعد غياب طويل أعود أليكم, عسى أن تكونوا قد افتقدتموني.
وفي هذه التدوينة أحمل لكم بعد الأقوال المأثورة لمعلمي شقلوب الحكيم, ربما كان قرأها أو اخترعها أو حلم بها, المهم أنها من أقواله وخلاص
- حاول أن تنظر دائماً الى الجزء المملوء من الكوب.... فقط تأكد من وجوده
- تستطيع أن تجعل العالم كله يتكلم عنك اذا وقفت عارياً تحت سفح الهرم ....ماذا يقولون؟ تلك قضية أخرى
- مصلحة الوطن من مصلحتي الشخصية.... مصلحتي الشخصية من مصلحة الوطن, نفس الكلمات وليس المعنى
- هل تستطيع أن تخبرني ديانة كل من الشخصيات الآتية: نجيب الريحاني, غاندي, الخطيب, مصطفى محمود, آينشتين, مصطفى مشرفة
- الاجابة: لايهمني, أمتعوني أو أفادوني, هذا ما يهمني
- بصرف النظر عن قضية الختان نفسها, بعد موت الطفلة التي ثارت بسببها القضية والمجتمع تلك الثورة العارمة بجرعة بنج زائدة, فهمت لماذا يعرضون الرابط العجيب في سبيس تون
- باكو شاي يساوي حياة طفل, كابل كهرباء يساوي تعذيب طفل, معادلتان بسيطتان حلهما البسيط هو أن الطفل يساوي صفر
- يساري - يميني, مسلم - مسيحي, جرب كل الاحتمالات الممكنة من أول كلمتين مع تاني كلمتين وحط ما بينهم مبتفاهمش هتعرف حالنا في مصر
- لو البلد دي بلدك تسيبها ليه؟ طيب لو مش بتاعتك, قاعد هنا بتهبب ايه؟
- مش لازم تحارب الغولة علشان تموتها, ممكن تخليها متلاقيش حاجة تاكلها أسهل
كفاية كده عليكم من أقوال شقلوب الحكيم, يا ريت أعرف رأيكم
9 comments:
مش لازم نحارب الغولة عشان تموتها
ممكن تخليها متلاقيش حاجة تاكلها احسن
طب ما هى هتكلك انت .. مهى عايشة وسطنا ولازم نحاربها ..
حمدلله على سلامتك :]
الله يسلمك
لازم نحاربها أنا معاك, لكن متنساش ان الحرب خدعة.
واللي ميتغلبش بالقوة ممكن يتغلب بالحيلة, اقرأ كويس اللي حصل في غزوة الخندق وصلح الحديبية وانت تفهم أنا كان قصدي ايه
:)
سعيد بزيارتك جداً
سلام
لا بجد شقلوب الحكيم ده راااااااائع
وكلامه يتاقل بالدهب0
شقلوب الحكيم بيشكرك جداً على المجاملة الرقيقة دي.
وأنا بأه بشكرك على زيارتك للمدونة.
نورتني وشرفتني
السلام ليكم
ازيك ياشلوب
مدا أحمد
اخيرا ياراجل رجعت تكتب تانى
حمدلله على السلامة
وبعدين ايه الاقوال اللى كلها جمال ديه
حقيقي يابنى اللى انت قلته فعلا
وكل حاجة ولها حاجة
مصلحة الوطن من مصلحتى ومصلحتى من مصلحة الوطن نفس الكلمات وفعلا المعنى بيختلف وبيختلف كتيييير اوى
ديانة كل من نجيب الريحانى او مصطفي محمود او غيره هيهمك في ايه الدين لله
المهم زى ماانت قلت بكل حكمة امتعونى او افدونى
صح اوى كلامك
بالنسبة لباكو الشاى يساوى حياة طفل
اسكت مش اتضح ان باكو الشاي اغلى من حياة الطفل نفسه
البلد هنسبها مش بمزاجنا بس هى بلدنا
واللى هيسبها اكيد هيرجع لها تانى
بجد أقوال شقلوب الحكيم جميلة جداااااا وحكيمة جداااااا
تحياتى ياشقلوب ومتبقاش تغيب تانى من غير أذن
يالا سلاااام
أجمل ما في كتاباتك هو الانسيابية اللي بتحس فيها وانت تقرأ ثم الابتسامة التي تظل مصاحبة لك طوال القراءة
من يزورك يجب ان يعود ليزورك
تحياتي لخفة دمك وثقل كلامك
عاشقة الوطن
بصراحة كده أنا مبعرفش أفكر في اني أكتب تدوينة جديدة الا أما أقرأ تعليقك
منورة المدونة
رضوى
متأسف على التأخير
ربنا يجعلك في خير وللخير دايماً
deja vu
أنا شفتك فين قبل كده,
إيه دي أول زيارة؟
يا ريت متكنش الأخيرة
شكراً على المجاملة الرقيقة, أخجلتم تواضعنا
Post a Comment