من أول يوم عملت فيه البلوج ده وأنا كنت مقرر انه مش هيتكلم عن شخص بعينه, وكنت بحاول أبعد عن ثلاث شخصيات على وجه الخصوص وهم شيخ الأزهر والمفتي والبابا
لكن فيه حاجات بصراحة ميتسكتش عليها زي مثلاً يعني الخبر ده
يعني ايه ان الدفاع عن رسول الله مش واجب على المسلمين, أنا مش مفتي ولا دارس دين كويس ولا حتى متدين. بس برضه ازاي الدفاع عن الرسول مش واجب على المسلمين
أيوة أنا عارف وكلنا عارفين ان ربنا وعد رسوله انه هيكفيه من الناس ومن شر المستهزئين بس هل ده معناه ان احنا نسكت؟ هل معناه ان احنا منحاولش ننتقم لنبينا من اللي عايزين يهينوه ويهينوا الاسلام ككل
طيب, وبالعند في عم المفتي أنا عايز أعمل حمله ضد الدنمارك وهولندا, الحملة دي مش معناها ان احنا نقعد نشتم فيهم بينا وبين بعض, لأ الموضوع أكبر من كده بكتير
عايزين نعمل موقع باللغة الانجليزية وياريت لو فيه ناس تعرف فرنساوي وألماني وهولندي والموقع ده ننقض فيه الحكومة الدنماركية والهولندية وصحافتهم بأكبر قدر ممكن من السخرية مع الاحتفاظ بالتحضر والاحترام
نسخر من رموزهم ومعتقداتهم طبعاً اللي تتعارض معانا يعني ميجيش حد ويقولي هنسخر من المسيحية ده كده يبقى عبيط, لكن غير كده عايزين نبهدلهم
عايزين نعرفهم ان احنا نقدر نفهمهم ونستوعب هما بيعملوا ايه ونعرفهم انهم مش أحسن مننا ان مكانوش أقل
المشكلة اني مقدرش أعمل الموضوع ده لوحدي أنا محتاج فريق من المتطوعين يمكن نقدر نعمل حاجة
ايه رأيكم في الفكرة دي, يا ريت أسمع أرائكم ومقترحاتكم ولو الفكرة عجبتكم ياريت تقولولي ممكن تساعدوني ازاي
2 comments:
هيا فكرة حلوة
انا ممكن اشارك برسومات ساخرة
بس نكون فريق
تحياتى
مروة الزارع
(البورصة)
عشان تفتكرنى بس
مروة الزارع
حد يقدر ينسى القمر ده برضه
ده مش ممكن أبداً
وكفاية ان انتي اللي عبرتيني من بين الناس اللي عرفتهم
أكيد محتاجين نبقى فريق بس مستنيين
آدي أول زبون
Post a Comment