تحديث
وصلت أنباء من الاسكندرية تفيد بأنهقامت النيابة بحبس المتهمين 15 يوماًووضع أحمد ماهر كمتهم أولوتفيد بأنه سيتم عرض أحمد ماهر على النيابة المسائية ونحن في انتظار تأكيد قطعي للمعلومة
**********************************************************
بعيد عن قانون البث الاعلامي لأن ده لسه فيه كلام كتير, لكن اللي حصل في اسكندرية ده كتير, والله كتير قوي
أحب الأول أقول, أنا مش من شباب 6 ابريل ولا اشتركت في 6 ابريل رغم اني كنت عايز اشترك بس مقدرتش ومشتركتش, ورغم ان ليا من شباب 6 ابريل أصدقاء كتير لكن مكنتش معاهم, وليا مع أفكارهم اعتراضات واتفاقات زيهم زي أي فكر في مصر
والأكتر من كده, بصفتي حزب غد, فكان ليا موقف معلن اني مش معاهم بسبب ان فيه ناس فيهم بيشتموا حزب الغد والكلام الفاضي ده
لكن اللي حصلهم في اسكندرية لازم يخلينا ننحي كل اللي أنا قلته فوق ده على جنب ونبص للموضوع بزاوية مختلفه ونتضامن كلنا معاهم
ناس راحت اسكندرية, وعملوا مؤتمر وخلص, وخرجوا يتمشوا في شوارع اسكندرية بيغنوا
لو كانوا بيغنو لروبي ولا لهيفا ولا لسي تامر كان بقى مفيش مشكله, لاكنهم ولأنهم غاويين خراب البلد بيغنوا أغاني وطنية لأ وكمان أغاني الشيخ امام
مش كده وبس, لأنهم مجرمين, فهم كانوا رافعين علم مصر. ولأنهم متفننين في الاجرام كان معاهم طيارة ورق مرسوم عليها علم مصر
وللجرائم دي كلها فتم القبض عليهم, وخدوا أربع أيام حبس في النيابة
والحرز علم مصر, وطيارة عليها علم مصر
والتهمة: انهم بيغنوا لمصر
ولو الناس دي البلد مقامتش لحد أما يخرجوا, يبقى سلملي على مصر
5 comments:
السلام عليكم
ازيك ياشقلوب
على فكرة الشباب دول فعلا مجرمين
لانهم بيحبوا مصر
هما المفروض يبقوا جواسيس وشغالين لحساب اسرائيل
فى الحالة ديه بس هيخلوهم يقعدوا فى اى مكان ويغنوا ويعملوا كل الى نفسهم فيه ولا حد يقدر يقرب لهم
الشباب ده فاسد وهيخرب البلد
حسبي الله ونعم الوكيل فى الحكومة العاقلة الرشيدة
ربنا هو المنتقم
والله عندك حق يا عاشقة مصر
هم لو لقو اللى يربيهم مكانوش حبو مصر
السفله
عاشقة الوطن
الله يسلمك
آمين يا رب
وطلبي لسه موجووووود
مدرسة الفشلة بنات
انتي داخلة هنا تعلقي على موضوعي ولا على عاشقة الوطن
:):):):):):):):):):):):):):):):):)
مشكورة على الزيارة
بسم الله الرحمن الرحيم
يقوم مجموعه من المدونين وانا من ضمنهم بتكوين رابطه لانقاذ ومساعدة اطفال الشوارع
التفاصيل كلها هنا
http://awraqwasrar.blogspot.com/
يسعدنا انضمامكم
Post a Comment